Shahid Kapoor Biography in Hindi | Age, Family, Affair, Career & More

Shahid Kapoor
Shahid Kapoor
Aaj ham apke sath ek Lover Boy ki Hindi Biography share krne ja rhe hai, jo apni chhotisi filmi career me hiropanti ke liye kam aur Love Affairs ke liye jyada jane jate the. Ji ha mai bat kr rha hu Shahid Kapoor ki. Jo Natural Handsome aur Smart Personality vale hai.

To chaliye is dil feku Shahid Kapoor ko is Hindi Biography dwara karib se jante hai....

Parents


Shahid kapoor ka janm delhi me hua tha. Unke pita Pankaj Kapoor ek thiater artist the aur mata nilima ajim ek bhartiy television actress thi.

Childhood


Jab we matr 3 varsh ke the, tab unke mata-pita me talak ho gya. Pita mumbai chale gaye, jaha unhone actress supriya pathak shadi kr liy.

We apni ma ke sath hi apne nana ke ghar par rahe. Unke nana ek rashiyn magzine ke liye jarnalist ke rup me kam krte the. We apne nana se bahut prabhavit the. Is bareme we kahte hai.

" We rojana mujhe school chhodne ke liye jaya krte the. Meri hamesha help bhi krte the."

Un dino unke pita acting me career banane ke liye mumbai me strugle kar rahe the. Is douran we keval ek hi bar nanhe shahid se unke birthday ke avasar pr mil sake.

Jab we 10 sal ke huye, to unki ma actres ke rup me kam krne ke liye mumbai chali gayi. Yaha aakr unki ma ne actor rajesh khattar se shadi kar li. Unhone apne naye pita ko accept kar unke sath hi rahne lage. Par 2001 me dono me talak ho gya.

Duniya unhe Shahid Kapoor ke nam se janti hai lekin aaj bhi we apne pasport par kapoor ki jagah khattar lagate hai.

Education


Unhe apne ma se dancing ka gun mila tha. Jiske karn bachpan se hi dancing me unki achhi khasi ruchi thi. 15 varsh ke umra me, unhone shamak davar ki dance institute ko join kar li. Yahi pr unhe dancing career me pahla break through mila.

Dil to Pagal Hai (1997), Tal (1999) jaisi filmo me Background Dancer ke rup me kam kiya aur isake alava we Vogue aur Golden Eye jaise gano pr bhi stage show kiye, jise odiance dwara kafi saraha gya. Is bare me unka kahna hai.

"Pahli bar mujhe star jaisi filing hui."

Bad me we usi institute me dancing sikhane lage. Us douran unhe pepsi jaise kai comrtial add me bhi kam karne ka mouka mila.

Isake alava we music videos, band aryans aur kumar sanu ke sath bhi kam kiye. 1998 me television series mohandas BALLB me apne pita ke sath assistant director ke rup me bhi kam karane ka mouka mila.

Filmy Career


Par ab bhi unko as an actorke rup me pahli breakthrough ka intajar tha. Jo kuch samay bad hi milane vala tha. Producer ramesh tourani aryans aur ankhon mein jise video songs me unhi behtarin parformance aour naye luk se prabhavit the. Unhone unhe office me bulaya aur interview liya aur kaha,

"Apko do salo ke andar kam mil jayega."

2003 me ken ghosh ek romantic muvie bana rahe the, jisame unhe ek fres look vale hero ki jarurat thi. Us film ko produce kar rahe ramesh tourani ne Shahid Kapoor ka nam sujhaya.

Ken ghosh ne unko bulaya aur bat ki aur manbhavik hero pakar ishk vishk film ke liye hero ke rup me cast kar liya. Is tarah unhe bollywood ki maya nagari me hero ke rup me entry mili.

Is film me unko amruta rao aur shenaj trisurivala ke sath kam karane ka mouka mila.

22 sal ka javan, naye josh se yukt unhone pure dil se apne tan-man ko is film me laga diya aur unki jitod mehanat ka hi fal raha ki unhe pahle hi film me bejod acting ke liye Filmfare Award for Best Male Debut mila.

Par we ek shandar shuruvat ke bad filmo me apne best performance ko barkarar na rakh sake aur agle tin salo ke liye gumnam duniya me chale gaye.

Is douran Fida, Dil Mange More, Diwane Huye Pagal, Wah Life ho to Esi, Shikhar jaise filmo ko unhone kiya. Par sab ke sab flop sabit hui. Par logo ne kai filmo me unke performance ki tarif bhi ki.

Filmy Come Back


Unhi dubate nayiya ko 2009 me suraj badjatya ki aai film vivah ne sahara diya. Is romantic film me we aur amruta rao lead role me the.

Hindu dharm arrange marriege par adharit 10 krod ki bajat vali is film ne record tod wordwide 53 krod ki kamai ki, jo ab tak unhi sabase safal aur sabase jyada kamai vali film rahi.

Isake bad unki chotisi filmi career me Jab We Mate (2007), Kamine (2009), Badmash Company (2010) R Rajkumar (2013), Haider (2014), Shandar (2015) jaisi filme behtarin rahi, jisme unke acting ki kafi tarif ki gayi.

Shandar film me vapas unhe apne pita ke sath kam karane ka mouka mila. We colors ki dance reality show jhalak dikhala ja reloded me jaj rah chuke hai. Unhone abhi hal me hi panjabi film udata panjab ko pura kia hai.

Love Affairs


Ek achha dancer rahe Shahid Kapoor ki filmi career chahe hot news bane na bane, par inke love affairs kafi surkhiya batorti thi.

Is mamale me unka sabase pahala love affair karina kapoor ke sath raha. Jo tin salo tak chala. 2007 me karina ne unko chod saif ali khan ki ho gayi.

Kismat connection ke douran unka kismat vidya balan ke sath connect hui, par is film ke release hote hi vidya bhi unki jindagi se release ho gayi.

Yahi hal raha, jab we priyanka chopada ko date kar rahe the. Yah affair kamine se start hui aur teri meri kahani par aakr khatm ho gayi.

Wedding & Daughter


Akhir is dil feku hero ne 2015 me mira rajput se shadi kar liya aur bhavishy me chane vali love afairs par sada ke liye fulstop laga diya.

20 August 2016 ko Shahid Kapoor ek putri ke pita bane, jiska nam misha kapoor rakha gya.

Achievement


  • 2012 me british magzine eastern eye ne unko 50 sexiest asian men in the world me shamil kiya. Is category me unki ranking 2013 me foutrh aur 2014 fifth thi.
  • 2014 me times of india dwara 50 most desirable men in 2014 me unhe shamil kiya gaya.
  • 2012-15 tak forbes ne unhe top 100 indian celebrity ke list me jagah diya. Is category me unki 15th position thi.


Awards


  • Filmfare Award for best Actor (2015)
  • Filmfare Award for best Male Debut (2004)
  • IIFA Award for Star Debut of the year Male (2004)
  • IIFA Award for Actor (2015)
  • Screen Award for Best Male Debut (2004)
  • Stardust Award for Best Actor (2014)
  • Producers Guild Film Award for Best Actor in Leading Role (2015)


Quick Fact


Bio Data


Name: Shahid Kapoor

Date of Birth: 25 February 1981

Place of Birth: New Delhi

Height: 5'8"

Weight: 70kg

Family


Father: Pankaj Kapoor

Step Fater: Rajesh Khattar

Mother: Neelima Azeem

Wife: Mire Rajput

Brother: Ishaan Khattar

Daughter: Misha Kapoor
Oldest